ရခိုင်တော်လှန်ရေး ခေါင်းဆောင် ဆရာတော် ဦးစိန္တာ အထိမ်းအမှတ် ဂုဏ်ပြုပူဇော်ပွဲ ကျင်းပမည်
နိရဉ္စရာ၊ မတ်လ ၂
ရခိုင်ပြည်နယ်ချဲ့တော်လှန်ရေး ခေါင်းဆောင် ဆရာတော် ဦးစိန္တာ အထိမ်းအမှတ် ဂုဏ်ပြုပူဇော်ပွဲကို လာမည့် ဧပြီလ ၉ ရက်နေ့မှ ၁၁ ရက်နေ့ထိ (၃) ရက်တိုင်တိုင် မြေပုံမြို့နယ် ကြာအင်းတောင်ရွာတွင် အထူး စည်ကားသိုက်မြိုက်စွာ ကျင်းပရန် စီစဉ်နေကြောင်း သတင်း ရရှိသည်။
“ အခု ပွဲတော် ပြုလုပ် ကျင်းဖို့ သတ်မှတ်ထားတဲ့ နေ့က ၁၉၄၆ ခုနှစ်က ကြာအင်းတောင် ညီလာခံ ကျင်းပခဲ့တဲ့ နေ့ဖြစ်ပါတယ်။ ဒီနေ့မှာ ဆရာတော် ဦးစိန္တာ အထိမ်းအမှတ် ဂုဏ်ပြုပူဇော်ပွဲကို ရခိုင်ပြည်နယ် ၁၇ ဦးမြို့နယ်မှ ကိုယ်စားလှယ်တွေကိုပါ ဖိတ်ကြားပြီး စည်ကားသိုက်မြိုက်စွာ ကျင်းပသွားမှာ ဖြစ်ပါတယ်” ဟု အဆိုပါ ပွဲအား စီစဉ်ရာတွင် ဦးဆောင်နေရာမှ ပါဝင်သူ ဦးခင်သန်းမောင်က ပြောသည်။
အဆိုပါ ဆရာတော် ဦးစိန္တာ အထိမ်းအမှတ် ဂုဏ်ပြုပူဇော်ပွဲသို့ မျိုးချစ် ရဟန်းတော်များ၊ နိုင်ငံရေး ပါတီများ၊ လူမှုအဖွဲ့အစည်းမှ တာဝန်ရှိသူများ၊ ရခိုင်ပြည်နယ် မြို့နယ် တစ်ခုစီမှ ကိုယ်စားလှယ် ၂ ဦးကျစီ ဖိတ်ကြားထားရန် စီစဉ်ထားသည်ဟုလည်း သိရသည်။
“ ဟောပြောပွဲ၊ ကျင်ပွဲ၊ စတိတ်ရှိုးပွဲ၊ ဇာတ်ပွဲတွေနဲ့ အထူး စည်ကားသိုက်မြိုက်စွာ ကျင်းပသွားဖို့ စီစဉ်ထားပါတယ်။ ဆရာတော်ကြီးပွဲတော်အတွက် ရခိုင်သူ ရခိုင်သားတွေရဲ့ ကူညီထောက်ပံ့ပေးမှုတွေနဲ့ ကျင်းပသွားမှာ ဖြစ်တဲ့ အတွက် စိတ်ပါဝင်စားသူတွေကို ပွဲတော် ဖြစ်မြောက်ရေး အတွက် အတတ်နိုင်ဆုံး ကူညီကြဖို့လည်း မေတ္တာရပ်ခံအပ်ပါတယ်” ဟု သူက ပြောကြားသည်။
ယခုပွဲတော်ကို ကြာအင်းတောင်တိုက်နယ် ကျေးရွာသူ ကျေးရွာသားများနှင့် ၈၈ ရခိုင်မျိုးဆက်များ လူမှုဖွံ့ဖြိုးရေး အဖွဲ့မှ တာဝန်ယူ ပူးပေါင်းဆောင်ရွက် ကျင်းပသွားမည် ဖြစ်ကြောင်း သိရသည်။
ဆရာတော် ဦးစိန္တာ အထိမ်းအမှတ် ဂုဏ်ပြုပူဇော်ပွဲအတွက် ရန်ပုံငွေများ လိုအပ်လျက်ရှိနေရာ ပါဝင်ကူညီ လှူဒါန်းလိုသူများသည် ချောင်းကြီးဆရာတော် (ဖုန်း- ၀၉၄၄၈၃၇၅၆၂၈)၊ ဦးခင်သန်းမောင် (ဖုန်း- ၀၉၂၅၀ ၂၄၃၁၂၄)၊ ဦးအောင်သန်းမြ (ဖုန်း- ၀၉၂၆၁၈၃၀၂၅၀)၊ ဦးအောင်သိန်း (ဖုန်း- ၀၉၂၅၂၄၆၀၁၃၁) တို့ကို ဆက်သွယ်ပြီး ကမ္ဘာရတနာဘဏ်၊ ဘဏ်အကောင့်နံပတ်- ၀၈၁၁၁၂၀၀၀၀၀၆၁ သို့ ပေးပို့ ကူညီလှူဒါန်းနိုင်ပါသည်။
ဆရာတော် ဦစိန္တာသည် ဗြိတိသျှ နယ်ချဲ့တို့အား ဆန့်ကျင်တော်လှန်ရာတွင် ထိပ်တန်း ပါဝင်ခဲ့သည့် ရခိုင်ပြည်မှ ခေါင်းဆောင်ဆရာတော် တစ်ပါး ဖြစ်သည်။
Comments
Post a Comment