ရခိုင္တြင္ ဆရာေတာ္တစ္ပါးစစ္တပ္က ႐ိုက္ႏွက္၍ေဆးကုသခံေနရ

ရခိုင္တြင္ ဆရာေတာ္တစ္ပါး ႐ိုက္

ႏွက္ခံရ၍ ေဆးကုသမႈခံယူေနရ သတင္းအဖြဲ႕ | DMG ဧၿပီ ၁၈ ၊ ပုဏၰားကၽြန္း ရခိုင္ျပည္နယ္၊ စစ္ေတြၿမိဳ႕မွ ေျမာက္ဦးၿမိဳ႕သို႔ၾကြေရာက္သည့္ ဆရာေတာ္တစ္ပါးအား စစ္ေတြၿမိဳ႕နယ္ ပါဒလိတ္ အေျခစိုက္တပ္စခန္းမွ ေခၚယူ႐ိုက္ႏွက္ခဲ့သျဖင့္ ေဆးကုသမႈခံယူေနရေၾကာင္း သတင္းရ႐ွိသည္။ ဧၿပီလ ၁၇ ရက္ေန႔ နံနက္ ၉ နာရီအခ်ိန္ခန္႔က စစ္ေတြမွ ေျမာက္ဦးသို႔ေျပးဆြဲေနသည့္ ဟိုက္ဂ်စ္ကားအမ်ိဳး အစားျဖင့္ ဆရာေတာ္၊ ကားဆရာႏွင့္ ခရီးသည္ စုစုေပါင္း ၇ ဦးတို႔ စစ္ေတြမွ ေျမာက္ဦးသို႔ ထြက္ခြာလာရာတြင္ ယင္းသို႔စစ္ေဆးခံရၿပီး ႐ိုက္ႏွက္ခံခဲ့ရျခင္းျဖစ္ေၾကာင္း ဒဏ္ရာမ်ားျဖင့္ ေဆးကုသမႈခံယူေနရသည့္ ဆရာေတာ္က မိန္႔သည္။ ထုိသုိ႔႐ိုက္ႏွက္ခံခဲ့ရသည့္ ဆရာေတာ္မွာ ေျမာက္ဦးၿမိဳ႕ လက္ဆည္ကန္အနီး မဂၤလာရာမေက်ာင္းတိုက္မွ အ႐ွင္ေတဇဝံသျဖစ္ၿပီး သက္ေတာ္ ၈၁ ႏွစ္၊ ဝါေတာ္ ၁၁ ဝါျဖစ္ေၾကာင္း သိရသည္။ “စစ္ေတြၿမိဳ႕က ေျမာက္ဦးၿမိဳ႕ကိုအျပန္ ေက်ာက္တန္းဂိတ္မွာတခါ စစ္တယ္။ ေနာက္ၿပီး ပါဒလိပ္စစ္တပ္စခန္းဂိတ္ တစ္ခုအေရာက္မွာ ကားကိုစစ္တပ္ဝင္းထဲဝင္ခိုင္းၿပီး ဆင္းခိုင္းတယ္။ ဘယ္ကလဲ ဘယ္ကိုသြားမွာလဲေမးၿပီး ဆရာေတာ္ဖုန္းဆက္မလို႔လုပ္ေတာ့ ဖုန္းကိုယူၿပီး႐ုိက္ခြဲလိုက္တယ္”ဟု ဆရာေတာ္အ႐ွင္ေတဇဝံသက DMG ကို မိန္႔ၾကားသည္။ “ဒီဘုန္းႀကီးေတြ ႐ႈပ္တယ္ဆိုၿပီး ေသနတ္ဒင္နဲ႔ ေျခေထာက္ေတြ၊ ပါးေတြကို သုံးခ်က္ေလးခ်က္ေလာက္ ႐ုိက္တယ္။ အဲဒီေတာ့ သတိလစ္သြားတယ္။ သတိျပန္ရလာေတာ့ ကိုယ္ေပၚမွာ သကၤန္းေတြ မ႐ွိေတာ့ဘူး။ သုံးပြင့္နဲ႔ စစ္သားတစ္ေယာက္က အရပ္သားအဝတ္တစုံဝတ္ခိုင္းၿပီး ျပန္ေတာ့လို႔ေျပာတယ္”ဟု ဆရာေတာ္ ဆက္၍ မိန္႔သည္။ ထုိ႔ျပင္ ဆရာေတာ္ထံပါလာသည့္ ေငြက်ပ္ ၂ သိန္းေက်ာ္အားလည္း ယူေဆာင္ထားလိုက္ေၾကာင္းႏွင့္ ဆရာေတာ္ျပန္လာခ်ိန္တြင္ အတူလာသည့္ ကားႏွင့္ ကားဆရာ၊ ခရီးသည္မ်ားကိုလည္း မေတြ႕႐ွိခဲ့ေတာ့ ေၾကာင္း ဆရာေတာ္ထံမွ သိရသည္။ ဆရာေတာ္မွာ ႐ိုက္ႏွက္ခံခဲ့ရသည့္ ဒဏ္ရာမ်ားျဖင့္ နံနက္ ၁၁ နာရီခြဲအခ်ိန္ခန္႔တြင္ ပုဏၰားကၽြန္းၿမိဳ႕နယ္မွ ျမတ္လွဲေက်း႐ြာသို႔ သြားေရာက္ကာ အသိဆရာေတာ္တစ္ပါးထံ ညအိပ္နားခိုခဲ့ေၾကာင္းလည္း သိရသည္။ “စစ္ေတြၿမိဳ႕နယ္ ပါဒလိတ္္အေျခစိုက္ စစ္တပ္ဂိတ္တခုက ႐ုိက္လႊတ္ၿပီး သကၤန္းေတြကိုလည္း မီး႐ွိဳ႕လိုက္ၿပီ။ အခုလာတာက ပါဒလိပ္ေက်း႐ြာဆိုင္တစ္ဆိုင္က လိုင္းကားနဲ႔ထည့္ေပးလိုက္လို႔ ျမတ္လွဲကိုေရာက္လာတာ”ဟု ျမတ္လွဲေက်း႐ြာမွ ေက်ာင္းတကာ ဦးလွေအာင္က ေျပာသည္။ လက္႐ွိ ဆရာေတာ္အ႐ွင္ေတဇဝံသမွာ မ်က္ႏွာႏွင့္ ဦးေခါင္းဒဏ္ရာမ်ားျဖင့္ ပုဏၰားကၽြန္းၿမိဳ႕နယ္ေဆး႐ံုတြင္ အေရးေပၚလူနာအျဖစ္ ေဆးကုသမႈခံယူေနရေၾကာင္း သိရသည္။ ယခုျဖစ္စဥ္ႏွင့္ပတ္သက္၍ တပ္မေတာ္သတင္းမွန္ျပန္ၾကားေရးအဖဲြ႔က ဗိုလ္မွဴးခ်ဳပ္ေဇာ္မင္းထြန္းႏွင့္ အေနာက္ ပိုင္းတိုင္းစစ္ဌာနခ်ဳပ္က ဗိုလ္မွဴးႀကီးဝင္းေဇာ္ဦးတို႔ကို ဆက္သြယ္ရန္ႀကိဳးပမ္းခဲ့ေသာ္လည္း ဖုန္းလက္ခံ ေျဖၾကားျခင္း မ႐ွိသျဖင့္ တပ္မေတာ္၏ တုန္႔ျပန္ခ်က္ကို မရ႐ွိခဲ့ေပ။ လက္႐ွိမွာ ဆရာေတာ္ႏွင့္အတူ သြားေရာက္သည့္ ကားဆရာႏွင့္ ခရီးသည္ စုစုေပါင္း ၆ ဦးခန္႔မွာ မည္သူမည္ဝါ ျဖစ္သည္ကို အတည္ျပဳႏိုင္ျခင္းမ႐ွိေသးဘဲ ၎တို႔ မည္ကဲ့သို႔ျဖစ္သြားသည္ကိုလည္း မသိ႐ိွရေသးေပ။ ပုဏၰားကၽြန္းၿမိဳ႕နယ္ အမ်ိဳးသားလႊတ္ေတာ္ကိုယ္စားလွယ္ ဦးခင္ေမာင္လတ္က “မေန႔က နံနက္ ၉ နာရီ ေလာက္မွာျဖစ္တာ။ ပါဒလိတ္ဂိတ္က စစ္တယ္လို႔ၾကားတယ္။ ဆရာေတာ္က နည္းနည္းဒဏ္ရာရသြားတယ္။ အခုပုဏၰားကၽြန္းေဆး႐ံုမွာ တက္ေရာက္ကုသေနတယ္။ ကားဆရာနဲ႔ ခရီးသည္ေတြကေတာ့ ေပ်ာက္ေနတယ္” ဟု ေျပာသည္။ {Unicode} ရခိုင်တွင် ဆရာတော်တစ်ပါး ရိုက်နှက်ခံရ၍ ဆေးကုသမှုခံယူနေရ သတင်းအဖွဲ့ | DMG ဧပြီ ၁၈ ၊ ပုဏ္ဏားကျွန်း ရခိုင်ပြည်နယ်၊ စစ်တွေမြို့မှ မြောက်ဦးမြို့သို့ကြွရောက်သည့် ဆရာတော်တစ်ပါးအား စစ်တွေမြို့နယ် ပါဒလိတ် အခြေစိုက်တပ်စခန်းမှ ခေါ်ယူရိုက်နှက်ခဲ့သဖြင့် ဆေးကုသမှုခံယူနေရကြောင်း သတင်းရရှိသည်။ ဧပြီလ ၁၇ ရက်နေ့ နံနက် ၉ နာရီအချိန်ခန့်က စစ်တွေမှ မြောက်ဦးသို့ပြေးဆွဲနေသည့် ဟိုက်ဂျစ်ကားအမျိုး အစားဖြင့် ဆရာတော်၊ ကားဆရာနှင့် ခရီးသည် စုစုပေါင်း ၇ ဦးတို့ စစ်တွေမှ မြောက်ဦးသို့ ထွက်ခွာလာရာတွင် ယင်းသို့စစ်ဆေးခံရပြီး ရိုက်နှက်ခံခဲ့ရခြင်းဖြစ်ကြောင်း ဒဏ်ရာများဖြင့် ဆေးကုသမှုခံယူနေရသည့် ဆရာတော်က မိန့်သည်။ ထိုသို့ရိုက်နှက်ခံခဲ့ရသည့် ဆရာတော်မှာ မြောက်ဦးမြို့ လက်ဆည်ကန်အနီး မင်္ဂလာရာမကျောင်းတိုက်မှ အရှင်တေဇဝံသဖြစ်ပြီး သက်တော် ၈၁ နှစ်၊ ဝါတော် ၁၁ ဝါဖြစ်ကြောင်း သိရသည်။ “စစ်တွေမြို့က မြောက်ဦးမြို့ကိုအပြန် ကျောက်တန်းဂိတ်မှာတခါ စစ်တယ်။ နောက်ပြီး ပါဒလိပ်စစ်တပ်စခန်းဂိတ် တစ်ခုအရောက်မှာ ကားကိုစစ်တပ်ဝင်းထဲဝင်ခိုင်းပြီး ဆင်းခိုင်းတယ်။ ဘယ်ကလဲ ဘယ်ကိုသွားမှာလဲမေးပြီး ဆရာတော်ဖုန်းဆက်မလို့လုပ်တော့ ဖုန်းကိုယူပြီးရိုက်ခွဲလိုက်တယ်”ဟု ဆရာတော်အရှင်တေဇဝံသက DMG ကို မိန့်ကြားသည်။ “ဒီဘုန်းကြီးတွေ ရှုပ်တယ်ဆိုပြီး သေနတ်ဒင်နဲ့ ခြေထောက်တွေ၊ ပါးတွေကို သုံးချက်လေးချက်လောက် ရိုက်တယ်။ အဲဒီတော့ သတိလစ်သွားတယ်။ သတိပြန်ရလာတော့ ကိုယ်ပေါ်မှာ သင်္ကန်းတွေ မရှိတော့ဘူး။ သုံးပွင့်နဲ့ စစ်သားတစ်ယောက်က အရပ်သားအဝတ်တစုံဝတ်ခိုင်းပြီး ပြန်တော့လို့ပြောတယ်”ဟု ဆရာတော် ဆက်၍ မိန့်သည်။ ထို့ပြင် ဆရာတော်ထံပါလာသည့် ငွေကျပ် ၂ သိန်းကျော်အားလည်း ယူဆောင်ထားလိုက်ကြောင်းနှင့် ဆရာတော်ပြန်လာချိန်တွင် အတူလာသည့် ကားနှင့် ကားဆရာ၊ ခရီးသည်များကိုလည်း မတွေ့ရှိခဲ့တော့ ကြောင်း ဆရာတော်ထံမှ သိရသည်။ ဆရာတော်မှာ ရိုက်နှက်ခံခဲ့ရသည့် ဒဏ်ရာများဖြင့် နံနက် ၁၁ နာရီခွဲအချိန်ခန့်တွင် ပုဏ္ဏားကျွန်းမြို့နယ်မှ မြတ်လှဲကျေးရွာသို့ သွားရောက်ကာ အသိဆရာတော်တစ်ပါးထံ ညအိပ်နားခိုခဲ့ကြောင်းလည်း သိရသည်။ “စစ်တွေမြို့နယ် ပါဒလိတ််အခြေစိုက် စစ်တပ်ဂိတ်တခုက ရိုက်လွှတ်ပြီး သင်္ကန်းတွေကိုလည်း မီးရှို့လိုက်ပြီ။ အခုလာတာက ပါဒလိပ်ကျေးရွာဆိုင်တစ်ဆိုင်က လိုင်းကားနဲ့ထည့်ပေးလိုက်လို့ မြတ်လှဲကိုရောက်လာတာ”ဟု မြတ်လှဲကျေးရွာမှ ကျောင်းတကာ ဦးလှအောင်က ပြောသည်။ လက်ရှိ ဆရာတော်အရှင်တေဇဝံသမှာ မျက်နှာနှင့် ဦးခေါင်းဒဏ်ရာများဖြင့် ပုဏ္ဏားကျွန်းမြို့နယ်ဆေးရုံတွင် အရေးပေါ်လူနာအဖြစ် ဆေးကုသမှုခံယူနေရကြောင်း သိရသည်။ ယခုဖြစ်စဉ်နှင့်ပတ်သက်၍ တပ်မတော်သတင်းမှန်ပြန်ကြားရေးအဖွဲ့က ဗိုလ်မှူးချုပ်ဇော်မင်းထွန်းနှင့် အနောက် ပိုင်းတိုင်းစစ်ဌာနချုပ်က ဗိုလ်မှူးကြီးဝင်းဇော်ဦးတို့ကို ဆက်သွယ်ရန်ကြိုးပမ်းခဲ့သော်လည်း ဖုန်းလက်ခံ ဖြေကြားခြင်း မရှိသဖြင့် တပ်မတော်၏ တုန့်ပြန်ချက်ကို မရရှိခဲ့ပေ။ လက်ရှိမှာ ဆရာတော်နှင့်အတူ သွားရောက်သည့် ကားဆရာနှင့် ခရီးသည် စုစုပေါင်း ၆ ဦးခန့်မှာ မည်သူမည်ဝါ ဖြစ်သည်ကို အတည်ပြုနိုင်ခြင်းမရှိသေးဘဲ ၎င်းတို့ မည်ကဲ့သို့ဖြစ်သွားသည်ကိုလည်း မသိရှိရသေးပေ။ ပုဏ္ဏားကျွန်းမြို့နယ် အမျိုးသားလွှတ်တော်ကိုယ်စားလှယ် ဦးခင်မောင်လတ်က “မနေ့က နံနက် ၉ နာရီ လောက်မှာဖြစ်တာ။ ပါဒလိတ်ဂိတ်က စစ်တယ်လို့ကြားတယ်။ ဆရာတော်က နည်းနည်းဒဏ်ရာရသွားတယ်။ အခုပုဏ္ဏားကျွန်းဆေးရုံမှာ တက်ရောက်ကုသနေတယ်။ ကားဆရာနဲ့ ခရီးသည်တွေကတော့ ပျောက်နေတယ်” ဟု ပြောသည်။ Website link >>> https://bit.ly/2KcIvtJ