ပြည်ပရောက် ရခိုင်နှစ်သစ်ကူးသင်္ကြန်ကို ဘန်ကောက်တွင် စည်ကားသိုက်မြိုက်စွာ ကျင်းပ
၁၅ ဧပြီ၂၀၂၄ /ဘန်ကောက်
ရက္ခိုင့်အမျိုးသားအဖွဲ့ချုပ် ULA မှ နှစ်စဉ် ဦးဆောင်ကျင်းပတဲ့ ရခိုင်နှစ်သစ်ကူးသင်္ကြန်ကို ထိုင်းနိုင်ငံ ဘန်ကောက် ဖလန်ဆောင် ဘန်ကတီ ၃၂ လမ်း မွန်ဘုန်းကြီးကျောင်း ၌ထိုင်းနိုင်ငံရောက် ရခိုင်အမျိုးသားတွေ စုပေါင်းပြီး စည်ကားသိုက်မြိုက်စွာ ကျင်းပလျက်ရှိသည်။
ဘန်ကောက်ရောက် ရခိုင်အမျိုးသားတစ်ဦးက " ကျွန်တော်တို့ ရက္ခိုင့်အမျိုးသားအဖွဲ့က ဦးဆောင်ပြီး တော်လှန်ရေးရန်ပုံငွေ ရှာတဲ့ပွဲလို့လည်းပြောလို့ရတယ် ကျွန်တော်တို့ရခိုင်အမျိုးသား လွတ်မြောက်ရေးအတွက် တတ်နိုင်တဲ့ နေရာကဏ္ဍအသီးသီးက ပါဝင်လုပ်ဆောင်ရမယ်လို့ ကိုယ့်ကိုကိုယ်ခံယူထားတယ်။ ဒီကို လူတွေအများကြီးလာရောက် ရေကစားနေတာရှိတာပေါ့ လူမျိုးပေါင်းစုံပါပဲ ရခိုင်လို့မဟုတ်ပါဘူး ဗမာရော ကရင်ရော မွန်ရော လာရောက်ပြီး ပျော်ပျော်ပါးပါး ရေစကားတာရှိပါတယ် အားလုံးက စုစုစည်းစည်းပါပဲ "လို့ လေးဝတီမီဒီယာကိုပြောပါတယ်။
ရခိုင်နှစ်သစ်ကူးဘန်ကောက်သင်္ကြန်ကို ရခိုင်အနုပညာရှင် အဆိုတော်တချို့လည်းလာရောက် ဖျော်ဖြေသီဆိုခဲ့ကြောင့်သိရသည်။
#lay_wadi_media #Rakhine #ရခိုင် #thailand #bangkok #သင်္ကြန်
No comments:
Post a Comment