အကြောင်း နှင့် အကျိုးပေါ်တွင် အဖြေရှာနည်း
အကြောင်း နှင့် အကျိုး ပေါ်တွင် အဖြေရှာနည်း
(ယေဓမ္မာ ဟေတုပြဘ၀ါ တေသံဟေတုံ တထာဂတော၊ အဟာတေသစ္စ
ယောနိရောဓေါ၊ ဧ၀ံဝါဒီ မဟာသာမဏော)
=======================
အကြောင်း နှင့် အကျိုး ပေါ်တွင် အဖြေရှာနည်း
အတိတ်ကာလက ပြုလုပ်ခဲ့သည့် အကြောင်းတရားဖြစ်သော သမုသယသစ္စာကြောင့် ပစ္စုပ္ပန်၌ ဒုက္ခသစ္စာ ဆို သော ယနေ့ဖြစ်ပေါ်နေသည့် အကျိုးတရားများသည် ဧကန် ဖြစ်ရှိကြကုန်၏။ ပစ္စုပ္ပန်၌ ဖြစ်ပေါ်နေသော ဒုက္ခ သစ္စာ ဆိုသည့် အကျိုးတရားများ(၀ါ) ပြသနာများ ချုပ်ငြိမ်းရန်အတွက်၊ သူ၏ အကြောင်း ရင်းခံဖြစ်သော သမုဒယသစ္စာကို ပယ်သတ်နိုင် မှသာလျှင်၊လက်ရှိ ဖြစ်ပေါ်နေသော ဒုက္ခသစ္စာ ခေါ် အကျိုး တရားများသည် ရပ်တန့် ချုပ်ငြိမ်းနိုင်မည် ဖြစ်ပေသည်။
မြတ်ဗုဒ္ဓ (624-544 B.C)
============
*
ယနေ့ မြန်မာနိုင်ငံ တိုင်းရင်းသားဒေသများတွင် ဖြစ်ပေါ်နေသော မြန်မာ့တပ်မတော်နှင့် တိုင်းရင်းသားလက်နက် ကိုင်တိုက်ပွဲများ၊ နိုင်ငံအတွင်း/ အပြင် ဖြစ်ပေါ်နေသော နိုင်ငံရေးပြဿနာများ၊ တိုင်းရင်းသားလူမျိုးများ ၏ လူ့ အခွင့်အရေးပြဿနာများ၊ နိုင်ငံ၏မြေပေါ်မြေအောက်၊ ရေပေါ်ရေအောက် သယံဇာတပြဿနာများ၊ နိုင်ငံ တွင်း အရှေ့အနောက် လူခိုးဝင်မှုပြဿနာများ၊ သဘာဝပတ်ဝန်းကျင်ဆိုင်ရာပြဿနာများ၊ တိုင်းရင်းသားဒေသများမှ စစ်ဘေးဒုက္ခသည်ပြဿနာများ၊ ယနေ့ထိ ဥပဒေနှင့် အညီ စစ်စစ်ခြင်းမရှိသေးသည့် ဘင်္ဂလီဒုက္ခသည် စခန်း ပြဿနာများ၊ သိမ်းဆည်းခံ မြေယာပြဿနာများ၊ အလုပ် သမား၊ လယ်သမားပြဿနာများနှင့် အခြားအခြား သော ပြဿနာ ပေါင်းစုံတို့သည် မြန်မာနိုင်ငံ၌ ဧကန်အမှန် ဖြစ်ပေါ်လျှက် ရှိနေကြကုန်၏။ ထိုပြဿနာများကို လွတ်လပ်ရေး ရပြီးကတည်းက အစိုးရအဆက်ဆက်တို့သည် ဖြေ ရှင်းလာကြသည်မှာလည်း နှစ်ပေါင်း(၆၈) နှစ်သာ ကြာညောင်းသွားသည် ထိုပြဿနာများက ပြေလည်မှု မရှိဘဲ ယနေ့ထိ အများအပြားရှိနေဆဲ တွေ့မြင် နေရဆဲ ဖြစ်သည်ကို လူတိုင်းလက်ခံကြရမည်ဖြစ်ပေသည်။
**
အဆိုပါပြဿနာများကို ဖြေရှင်းရာတွင် မြတ်ဗုဒ္ဓ၏ အကြောင်းအကျိုး မူဘောင်ပေါ်တွင် အခြေခံကာ ဖြေရှင်းနိုင်မှသာ မှန်ကန်သော ဖြေရှင်းမှုဖြစ်လိမ့်မည်ဟု ယုံကြည်မိပါသည်။ ပြဿနာကို ဖြေရှင်းကြရာ၌လည်း အားလုံးသော သက်ဆိုင်သူ ပုဂ္ဂိုလ်များသည် မောဟကင်းကွာ၍၊ အမှန်ကို အမှန်အတိုင်း ဖြစ်ခဲ့တာ၊ ဖြစ်နေ တာကို အမှန်အတိုင်းသိထားမှ၊ မြင်ထားမှ ၊ လက်ခံထားနိုင်မှ ဖြေရှင်းလို့ ရမည်ဖြစ်ပေသည်။ တနည်း အကြောင်းတရား တစ်ခုကြောင့် ယနေ့အကျိုးဖြစ်ပေါ်နေတယ်ဆိုတာကို အားလုံး လက်ခံဖို့တော့ လိုအပ်ပါ သည်။ သို့မှသာ အမှန်နှင့် နီးစပ်မည် ဖြစ်ပေသည်။ ဘေးထိုင်ဘုပြော၊ အကြောင်း အကျိုးကို လက်မခံသမျှ မည်သည့်ပြဿနာမှ ဖြေရှင်း၍ ရမည် မဟုတ်ပေ။ ပြဿနာတိုင်းသည် အကြောင်း အကျိုးပေါ်တွင်သာ အခြေခံ၍ ဖြစ်ပေါ်လာကြသည် သတိပြုသင့်သည်။
***
သစ်ပင်တစ်ပင်၌် ဒုက္ခသစ္စာဟု ဆိုအပ်သော အကျိုးတရား အသီးအရွက် အကိုင်းအခက်များကို ခုတ်လိုက်ရုံဖြင့် ထိုသစ်ပင်သည် သေမသွားနိုင်ပေ။ ထိုသစ်ပင်ကို အသက်ရှင်ဖို့ အထောက်အပံ့ပြုနေသော သမုဒယသစ္စာ အကြောင်းတရားဖြစ်သော ရေသောက်မြစ် တစ်ခုကို ဖြတ်လိုက်ရုံဖြင့် ထိုသစ်ပင်သည် များမကြာမီ ကိုင်းခြောက်ရွက်ကြွေကာ ထိုသစ်ပင်လည်း သေသွားမည်ဖြစ်ပေသည်။
****
ထိုအတူ မြတ်ဗုဒ္ဓအလို၌ ယခုဖြစ်ပေါ်နေသော ပြဿနာများသည် မဖြစ်ပေါ်ခင်က အကြောင်းရင်းခံ တစ်ခုခုကို အခြေခံတည်ကာ ဖြစ်ပေါ်လာကြသည်ချည်းဖြစ်ပေသည်။ ထိုကြောင့် ပြဿနာဖြစ်ပေါ်စေသော အခြေခံ အကြောင်းရင်းကို အားလုံးအမှန်သိအောင် အရင်လုပ်ပြီးမှ ယင်းအခြေခံ အကြောင်းတရားကို ဗဟိုပြုကာ နောင်မဖြစ်ပေါ်လာအောင် ယင်းFRAME ပေါ်၌ စုပေါင်းအဖြေရှာ ဖြေရှင်းနိုင်မှသာလျှင် ယနေ့မြန်မာ နိုင်ငံတွင် ဖြစ်ပေါ်နေသော ပြဿနာ အစုစုတို့သည် ပြေလည်သွား မည်ဖြစ်သည်ကို မြတ်ဗုဒ္ဓက လွန်ခဲ့ သော နှစ်ပေါင်း(၂၅၀၀) ကျော်ကပင် လမ်းပြ ဟောပြောပေးခဲ့ပါကြောင်း ရေးသား တင် ပြအပ်ပါသည်။
...................
အကြောင်းက( သမုဒယသစ္စာ) အကျိုး (ဒုက္ခသစ္စာ)
=============
မောင်ဖြူ (ကြွီတဲကျွန်း)
20.5.2016
Comments
Post a Comment